«Բարսելոնայի» արգենտինացի հարձակվող Լիոնել Մեսին այս մրցաշրջանի վերջում կարող է հեռանալ կատալոնական ակումբից, գրում է The Sun-ը:
Արգենտինայի հավաքականի 30-ամյա ֆուտբոլիստի գործող պայմանագիրն ավարտվում է 2018 թվականի ամռանը, իսկ «Բարսելոնային» ոչ մի կերպ չի հաջողվում երկարաձգել այն:
Աղբյուրի համաձայն՝ Մեսին վստահ չէ, որ պետք է մնա կատալոնական ակումբում: Այդ հարցով նրա մոտ կասկածներ է առաջացրել բրազիլացի հարձակվող Նեյմարի վաճառքը ֆրանսիական ՊՍԺ եւ Էռնեստո Վալվերդեի նշանակումը թիմի գլխավոր մարզիչի պաշտոնում: Կատալոնիայի քաղաքական իրավիճակը եւս արգենտինացի հարձակվողին ստիպում է մտածել կարիերան այլ ակումբում շարունակելու մասին:
Մեսիի ծառայություններով լրջորեն հետաքրքրվում է «Մանչեսթեր Սիթին», որը գլխավորում է «Բարսելոնայի» նախկին գլխավոր մարզիչ Խոսեպ Գվարդիոլան: Արգենտինացին լրջորեն դիտարկում է անգլիական ակումբ տեղափոխվելու տարբերակը:
Ավելի վաղ հայտնի էր դարձել, որ «Բարսելոնան» պատրաստ է Մեսիին 80 միլիոն ֆունտ ստերլինգ (89 միլիոն եվրո) առաջարկել գործող պայմանագիրը երկարաձգելու համար: Նոր պայմանագրով արգենտինացու շաբաթական աշխատավարձը կարող է կազմել 500 հազար ֆունտ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։