Շվեյցարիայի դատախազությունը գործ է հարուցել ՊՍԺ-ի նախագահի դեմ
19:26 12 հոկտեմբերի, 2017Ֆրանսիական ՊՍԺ-ի նախագահ Նասել Ալ Խելաիֆիին կասկածում են BeIN Media Group-ի համար ֆուտբոլի աշխարհի առաջնությունների հեռարձակման իրավունքը ստանալիս ՖԻՖԱ-ի նախկին գլխավոր քարտուղար Ժերոմ Վալկեին կաշառք տալու մեջ, հաղորդում է ESPN-ը։ Ալ Խելաիֆին BeIN Media Group-ի նախագահն է։ Ընկերությունը ստացել է 2018-2030 թվականների աշխարհի առաջնությունների հեռարձակման իրավունքը։
Շվեյցարիայի դաշնային դատախազությունը կոռուպցիայի մեղադրանքով գործ է հարուցել ՖԻՖԱ-ի նախկին գլխավոր քարտուղար Ժերոմ Վալկեի եւ Ալ Խելաիֆիի դեմ։
Վալկեն արդեն հարցաքննվել է, իսկ նրա անշարժ գույքը Ֆրանսիայում, Հունաստանում, Իտալիայում եւ Իսպանիայում խուզարկվել է։
Ժերոմ Վալկեն 2016-ին հեռացվել է պաշտոնից 2014թ. աշխարհի առաջնության հանդիպումների տոմսերի վաճառքի հետ կապված մեքենայությունների համար եւ 12 տարով զրկվել է ֆուտբոլային գործունեությամբ զբաղվելու իրավունքից։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։