Արթուր Սարկիսով. Միշտ երազել եմ հանդես գալ Ռուսաստանի Պրեմյեր լիգայում
10:35 27 հուլիսի, 2012«Վոլգա» տեղափոխվելը մեծ առաջընթաց էր ինձ համար, հայտարարել է Նիժնի Նովգորոդի «Վոլգայում» վարձավճարով հանդես եկող ֆուտբոլի Հայաստանի ազգային հավաքականի հարձակվող Արթուր Սարկիսովը, ում տրանսֆերային իրավունքը պատկանում է Մոսկվայի «Լոկոմոտիվին»:
«Վոլգա» տեղափոխվելը մեծ առաջընթաց էր ինձ համար: Միշտ երազել եմ հանդես գալ Ռուսաստանի Պրեմյեր լիգայում: Կձգտեմ, կաշխատեմ լավագույն որակներս դրսեւորելու համար: «Վոլգան» մարտունակ թիմ է: Նախորդ մրցաշրջանում մի քանի հանդիպումներ եմ դիտել նրա մասնակցությամբ: Թիմի տղաները միշտ մարտական են տրամադրվում խաղերին:
Ես դեռ չեմ խաղացել «Սպարտակի» դեմ: Կցանկանայի «Վոլգայում» նորամուտս նշել հենց «Սպարտակի» հետ խաղում: Սակայն ես դեռ նոր եմ միացել թիմին եւ չեմ կարող ասել՝ դուրս կգամ խաղադաշտ «Լուժնիկիում», թե՝ ոչ: Կարծում եմ՝ մեր թիմը կարող է լուրջ դիմադրություն ցույց տալ ուժեղ մրցակցին»,- Սարկիսովի խոսքը փոխանցում է «Советский Спорт»-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.