«Ոսկե գնդակի» դափնեկիր Ջորջ Վեան՝ Լիբերիայի նախագահ
10:45 12 հոկտեմբերի, 2017«Ոսկե գնդակ-1995»-ի դափնեկիր Ջորջ Վեան ընտրվել է Լիբերիայի նախագահ, հաղորդում է Naji-ն։
51-ամյա նախկին ֆուտբոլիստը երկրորդ անգամ էր առաջադրվել Լիբերիայի նախագահական ընտրություններում եւ հաղթեց իր գլխավոր մրցակից Ջոզեֆ Բակային, որը Լիբերիայի վարչապետն է:
Ջորջ Վեան Լիբերիայի նախագահի թեկնածու եղել էր նաեւ 2005 թվականին, սակայն հավաքել էր 28 տոկոս ձայն եւ պարտվել Էլեն Ջոնսոն-Սերլիֆին, որը դարձավ Աֆրիկայի պատմության առաջին կին նախագահը։
Ֆուտբոլիստի կարիերայի ընթացքում Վեան հանդես է եկել «Մոնակոյում», ֆրանսիական ՊՍԺ-ում, իտալական «Միլանում», անգլիական «Մանչեսթեր Սիթիում» ու «Չելսիում», ֆրանսիական «Մարսելում» ու արաբական «Ալ Ջազիրայում»։ ՖԻՖԱ-ն նրան ճանաչել է 20-րդ դարի լավագույն ֆուտբոլիստ։ 1989, 1994 ու 1995 թվականներին նա ճանաչվել էր Աֆրիկայի լավագույն ֆուտբոլիստ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։