Ազգերի լիգա. Հայաստանն ու Ադրբեջանը եւ Ուկրաինան ու Ռուսաստանը չեն ընդգրկվի նույն խմբերում
17:09 11 հոկտեմբերի, 2017Ֆուտբոլի ՈւԵՖԱ-ի Ազգերի լիգայի վիճակահանության ժամանակ Հայաստանի ու Ադրբեջանի եւ Ուկրաինայի ու Ռուսաստանի ազգային հավաքականները չեն հայտնվի նույն ենթախմբերում։ Այդ մասին ՈւԵՖԱ-ի գրասենյակից հայտնել են tass.ru-ին։
«Ռուսաստանի եւ Ուկրաինայի հավաքականները հանդես չեն գա ՈւԵՖԱ-ի Ազգերի լիգայի երկրորդ դիվիզիոնի նույն ենթախմբում։ Նույնը վերաբերում է նաեւ չորրորդ դիվիզիոնում ընդգրկված Հայաստանի եւ Ադրբեջանի հավաքականներին»,- ասվում է հաղորդագրությունում։
Ազգերի լիգայում հանդես կգա 55 եվրոպական հավաքականներ, որոնք ըստ վարկանիշի՝ կբաժանվեն չորս դիվիզիոնների։ Ամեն դիվիզիոնում կլինի չորս ենթախումբ։ Վիճակահանությունը տեղի կունենա 2018թ. հունվարի 24-ին։ Խմբային փուլի հանդիպումները կմեկնարկեն 2018թ. սեպտեմբերից, հաղթողը հայտնի կդառնա 2019թ. հունիսին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.