Եվրոպայից ԱԱ-2018-ի ուղեգիր նվաճած ու անցումային խաղերի իրավունք ստացած բոլոր թիմերը

00:51   11 հոկտեմբերի, 2017

Ռուսաստանում կայանալիք ֆուտբոլի 2018թ. աշխարհի առաջնության ընտրական փուլի եվրոպական գոտու մրցաշարի ավարտից հետո հայտնի դարձան ուղեգիր նվաճած բոլոր հավաքականներն ու անցումային խաղերի իրավունք ստացած բոլոր թիմերը:

Խմբերից առաջին տեղով ԱԱ-2018-ի ուղեգիր ապահովեցին աշխարհի չեմպիոն Գերմանիայի, Եվրոպայի չեմպիոն Պորտուգալիայի, Իսպանիայի, Անգլիայի, Ֆրանսիայի, Բելգիայի, Սերբիայի, Իսլանդիայի եւ Լեհաստանի հավաքականները:

Խմբերում երկրորդ տեղ գրավեցին եւ ուղեգրի համար անցումային խաղերում պայքարելու հնարավորություն ստացան Իտալիայի, Դանիայի, Շվեդիայի, Շվեյցարիայի, Հյուսիսային Իռլանդիայի, Հունաստանի, Խորվաթիայի եւ Իռլանդիայի հավաքականները:

Երկրորդ տեղ գրաված թիմերից պայքարը լքեց Սլովակիայի հավաքականը, որը F խմբում հավաքել էր 18 միավոր: Ընտրական 9 խմբերում անցումային խաղերի ուղեգիր չէր նվաճում միայն երկրորդ տեղ գրաված վատագույն ցուցանիշով հավաքականը:

ԱԱ-2018-ի անցումային խաղերի վիճակահանությունը կկայանա հոկտեմբերի 17-ին Ցյուրիխում: Թիմերը կբաժանվեն 2 զամբյուղների: Ավելի բարձր վարկանիշ ունեցող 4 հավաքականները կլինեն առաջին զամբյուղում, իսկ մյուս 4 թիմերը՝ երկրորդ: Առաջին հանդիպումները կկայանան նոյեմբերի 9-11-ը, իսկ պատասխան խաղերը՝ նոյեմբերի 12-14-ը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։