«Ռեալի» ու «Չելսիի» նախկին ֆուտբոլիստը դատապարտվել է 7 ամսվա ազատազրկման
17:33 6 հոկտեմբերի, 2017Պորտուգալիայի հավաքականի, Մադրիդի «Ռեալի» եւ Լոնդոնի «Չելսիի» նախկին պաշտպան Ռիկարդո Կարվալիոն դատապարտվել է 7 ամսվա ազատազրկման, գրում է Football Espana-ը:
39-ամյա ֆուտբոլիստը մեղադրվում է 2010-2013-ը հարկերից խուսափելու մեջ: Այդ շրջանում նա հանդես էր գալիս Արքայական ակումբում: Դատախազը Կարվալյոյի համար պահանջել է մեկ տարվա ազատազրկում ու 300 հազար եվրո տուգանք, սակայն դատարանն ավելի մեղմ է գտնվել: 7 ամսվա ազատազրկումից բացի, պորտուգալացին կվճարի 142 822 եվրո տուգանք:
Դատարանը մեղավոր է ճանաչել Կարվալիոյին եւ որոշում կայացրել, որ նա պետք է մարի 545 981 եվրո պարտքը:
Հիշեցնենք, որ 2017-ից Ռիկարդո Կարվալիոն հանդես էր գալիս չինական «Շանհայ ՍԻՊԳ» ակումբում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։