Յուպ Հայնկեսը «Բավարիայում» աշխատանքը կսկսի հոկտեմբերի 9-ին
17:08 6 հոկտեմբերի, 2017Մյունխենի «Բավարիայի» նախկին գլխավոր մարզիչ Յուպ Հայնկեսը գերմանական ակումբում աշխատանքը կսկսի հոկտեմբերի 9-ին: Այդ օրը 72-ամյա մասնագետն առաջին մարզումը կանցկացնի Գերմանիայի չեմպիոնի հետ, գրում է Bild-ը:
Ավելի վաղ Յուպ Հայնկեսը հաստատել էր, որ «Բավարիայի» ղեկավարներն իրեն առաջարկել են թիմը գլխավորել մինչեւ այս մրցաշրջանի ավարտը:
Հիշեցնենք, որ «Բավարիայի» գլխավոր մարզիչի պաշտոնը թափուր է դարձել Կարլո Անչելոտիի հեռացումից հետո: Իտալացի մասնագետին ժամանակավորապես փոխարինել է 40-ամյա Վիլի Սանյոլը:
Յուպ Հայնկեսը «Բավարիան» գլխավորել է 3 անգամ: Նախորդ անգամ նա թիմից հեռացել էր 2013-ին՝ ձեւակերպելով տրեբլ: Դրանից հետո գերմանացին ավարտել էր մարզչական կարիերան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։