Բրազիլիայի հավաքականի ֆուտբոլիստները Բոլիվիայի դեմ ֆուտբոլի աշխարհի առաջնության ընտրական փուլի հարավամերիկյան գոտու մրցաշարի նախավերջին տուրի խաղից հետո վերականգնվել են թթվածնային դիմակների օգնությամբ: Բոլիվիայում տեղի ունեցած հանդիպումն անցկացվել էր ծովի մակարդակից 3700 մետր բարձրության վրա: Արագ վերականգնման համար Բրազիլիայի հավաքականի բժշկական շտաբը ֆուտբոլիստներին տվել է թթվածնային դիմակներ, հայտնում է Goal.com-ը:
Հիշեցնենք, որ հանդիպումն ավարտվել էր 0:0 հաշվով: Բրազիլացիները վաղուց են ապահովել Ռուսաստանում կայանալիք ԱԱ-2018-ի ուղեգիր: Հարավամերիկյան գոտու ընտրական մրցաշարի մյուս 3 ուղեգրերի տերերն ու անցումային խաղի մասնակիցը հայտնի կդառնան հոկտեմբերի 11-ին կայանալիք վերջին տուրում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։