Մաքսիմ Մանուկյանը ստացել է Հայաստանի սպորտի վաստակավոր վարպետի կոչում
16:16 6 հոկտեմբերի, 2017Հայաստանի սպորտի եւ երիտասարդության հարցերի նախարար Հրաչյա Ռոստոմյանը «Հայաստանի Հանրապետության սպորտի վաստակավոր վարպետ» կոչում է շնորհել հունահռոմեական ըմբշամարտի 2017 թվականի աշխարհի չեմպիոն Մաքսիմ Մանուկյանին, նավամոդելային սպորտի աշխարհի, Եվրոպայի կրկնակի չեմպիոն եւ ռեկորդակիր Բաբկեն Շահազիզյանին եւ սամբոյի Եվրոպայի եռակի չեմպիոն, աշխարհի արծաթե եւ բրոնզե մեդալակիր Տիգրան Կիրակոսյանին, հայտնում է նախարարության մամուլի ծառայությունը:
Նախարարը շնորհավորել է մարզիկներին մարզական բարձր կոչմանն արժանանալու համար եւ շնորհակալություն հայտնել երկրի պատիվը միջազգային մրցաշարերերում բարձր պահելու, Հայաստանի պետական օրհներգը հնչեցնելու եւ հայոց եռագույնը բարձրացնելու համար:
«Յուրաքանչյուրս մեր ոլորտում պարտավոր ենք ծառայել մեր հայրենիքին եւ աշխատել մեծ նվիրումով՝ ի շահ Հայաստանի Հանրապետության»,- ասել է Հրաչյա Ռոստոմյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։