Անկախ Հայաստանի պատմության մեջ առաջին անգամ սպորտային մարմնամարզության աշխարհի առաջնության բազմամարտի եզրափակիչում մասնակից ունեցանք եւ գրավեցինք 13-րդ տեղը։ Շատ գոհ եմ այս արդյունքից։
Այս մասին NEWS.am Sport-ի թղթակցի հետ զրույցում կանադական Մոնրեալից ասաց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը։
Կանադայում ընթացող աշխարհի առաջնության բազմամարտի եզրափակիչ դուրս եկած Արթուր Դավթյանը պայքարը ավարտել է 13-րդ տեղով։
«Արթուր Դավթյանը շատ լավ հանդես եկավ, հավաքեց մեկ միավոր ավելի, քան որակավորման փուլում։ 13-րդ տեղն է, լավ արդյունք է, ինձ գոհացնում է»,- ասաց Հակոբ Սերոբյանը:
Հիշեցնենք, որ որակավորման փուլում Արթուր Դավթյանը գրավել էր 15-րդ տեղը:
Աշխարհի առաջնությունում նժույգի վարժության եզրափակիչ է դուրս եկել նաեւ Եվրոպայի չեմպիոն, աշխարհի առաջնության բրոնզե մեդալակիր Հարություն Մերդինյանը: Այս մրցաձեւի եզրափակիչը տեղի կունենա հոկտեմբերի 7-ին։
Օղակների վարժությունում որակավորման փուլի արգելքը չէր կարողացել հաղթահարել Վահագն Դավթյանը:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։