Լեհաստանի հավաքականի հավանական մեկնարկային կազմը՝ Հայաստանի դեմ
00:48 5 հոկտեմբերի, 2017Ֆուտբոլի Լեհաստանի ազգային հավաքականի՝ Երեւանում կայացած նախախաղային մարզումից հետո Sport.pl-ը ներկայացրել է Ադամ Նավալկայի գլխավորած թիմի հավանական մեկնարկային կազմը Հայաստանի թիմի դեմ աշխարհի առաջնության ընտրական խաղում:
Լեհաստան. Լուկաշ Ֆաբիանսկի («Սուոնսի»), Լուկաշ Պիշչեկ («Բորուսիա Դրոտմունդ»), Կամիլ Գլիկ («Մոնակո»), Միխալ Պոզդան («Լեգիա»), Բարտոշ Բերեշինսկի («Սամպդորիա»), Գժեգոժ Կրիխովյակ («Վեստ Բրոմվիչ»), Կարոլ Լինետի («Սամպդորիա»), Յակուբ Բլաշչիկովսկի («Վոլֆսբուրգ»), Կամիլ Գրոսիցկի («Հալ Սիթի»), Լուկաշ Թեոդորչիկ («Անդերլեխտ»), Ռոբերտ Լեւանդովսկի («Բավարիա»):
Հիշեցնենք, որ Հայաստան - Լեհաստան հանդիպումը կկայանա հոկտեմբերի 5-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 20:00-ին: Առաջին շրջանում լեհերը Հայաստանի հավաքականին Վարշավայում հաղթել են 2:1 հաշվով: Հայաստանի թիմը զրկվել է ԱԱ-2018-ի եզրափակիչ մրցաշարի ուղեգիր նվաճելու հնարավորությունից, իսկ Լեհաստանի հավաքականը 19 միավորով ընտրական E խմբի առաջատարն է: Չեռնոգորիան ու Դանիան ունեն 16-ական միավոր, Ռումինիան՝ 9, Հայաստանը՝ 6, իսկ Ղազախստանը՝ 2:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.