Արթուր Պետրոսյան. Տղաները չունեն մոտիվացիայի կարիք
17:54 4 հոկտեմբերի, 2017Տղաները չունեն մոտիվացիայի կարիք: Լեհաստանի հավաքականի դեմ խաղալն արդեն մոտիվացիա է:
Այդ մասին հայտարարել է ֆուտբոլի Հայաստանի հավաքականի գլխավոր մարզիչ Արթուր Պետրոսյանը, որը Երեւանում կայացած նախախաղային ասուլիսում խոսեց լեհերի դեմ աշխարհի առաջնության ընտրական հանդիպման մասին:
«Պաշտպանությունում խնդիրներ միշտ ունենում ենք: Պետք է լրացնել բացերը: Եթե մեկը չկա, նրան փոխարինողը պետք է օգտագործի իր շանսը եւ օգնի թիմին: Ես նախընտրում եմ 4 պաշտպաններով սխեման, սակայն տակտիկան ընտրում ենք ըստ մրցակցի:
Ռոբերտ Լեւանդովսկուն հսկելը շատ բարդ է: Սակայն, եթե ցանկանում ենք դրական արդյունքի հասնել վաղվա խաղում, պետք է լուծենք այդ խնդիրը: Եթե լինի փոխօգնություն, այդ դեպքում ինչ-որ բան կստացվի:
Այս պահին կենտրոնացած եմ առաջիկա 2 խաղերի վրա, իսկ դրանից հետո նոր որոշում կկայացնեմ հավաքականում իմ ապագայի հարցով: Տղաները չունեն մոտիվացիայի կարիք, քանի որ Լեհաստանի հավաքականի դեմ խաղալն արդեն մոտիվացիա է:
Ես չեմ մտածում Ազգերի լիգայի մասին, քանի որ դեռ մեկ տարի ժամանակ ունենք: Եթե հաղթենք լեհերին, դա կլինի լավ արդյունք: Նրանց թիմը շատ ուժեղ է հիմա, ամենաուժեղը՝ վերջին տարիներին»,- նշեց Արթուր Պետրոսյանը:
Հիշեցնենք, որ Հայաստանի եւ Լեհաստանի հավաքականների միջեւ հանդիպումը կկայանա հոկտեմբերի 5-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 20:00-ին: Առաջին շրջանում լեհերը Հայաստանի հավաքականին Վարշավայում հաղթել են 2:1 հաշվով: Հայաստանի թիմը զրկվել է ԱԱ-2018-ի եզրափակիչ մրցաշարի ուղեգիր նվաճելու հնարավորությունից, իսկ Լեհաստանի հավաքականը 19 միավորով ընտրական E խմբի առաջատարն է: Չեռնոգորիան ու Դանիան ունեն 16-ական միավոր, Ռումինիան՝ 9, Հայաստանը՝ 6, իսկ Ղազախստանը՝ 2:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.