ԱԱ. Հարություն Մերդինյանը եւ Արթուր Դավթյանը եզրափակիչում են
21:00 3 հոկտեմբերի, 2017Հարություն Մերդինյանը եւ Արթուր Դավթյանը դուրս են եկել սպորտային մարմնամարզության աշխարհի առաջնության եզրափակիչ։
Այս մասին NEWS.am Sport-ի թղթակցի հետ զրույցում Կանադայի Մոնրեալ քաղաքից ասաց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը։
«Որակավորման փուլը հենց նոր ավարտվեց։ Ամեն ինչ շատ լավ է. եզրափակիչի երկու մասնակից ունենք՝ Հարություն Մերդինյանը նժույգի վարժությունում, Արթուր Դավթյանը՝ բազմամարտում։
Շատ ուրախ եմ, գոհ եմ իմ մարզիկներից, քանի որ իսկապես շատ դժվար էր որակավորման փուլը հաղթահարելը, շատ մեծ մրցակցություն կար եւ շատ խիստ մրցավարություն»,- ասաց Հակոբ Սերոբյանը։
Հարություն Մերդինյանը որակավորման փուլում գրավել է 8-րդ տեղը, Արթուր Դավթյանը՝ 15-րդ:
Օղակների վարժությունում որակավորման փուլի արգելքը չի հաղթահարել Վահագն Դավթյանը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.