ՊՍԺ-ի խաղից առաջ Փարիզում կանխվել է ահաբեկչության փորձ
14:28 3 հոկտեմբերի, 2017ՊՍԺ - «Բորդո» (6:2) ֆուտբոլի Ֆրանսիայի առաջնության 8-րդ տուրի հանդիպումից առաջ Փարիզում կանխվել է ահաբեկչության փորձ: Այդ մասին հայտնել է Ֆրանսիայի ոստիկանությունը, գրում է Daily Mail-ը:
Ինքնաշեն ռումբը հայտնաբերվել է հոկտեմբերի 1-ին՝ առավոտյան ժամը 4-ին, «Պարկ դե Պրենս» ստադիոնի մոտ: Ռումբը բաղկացած է եղել 4 գազի բալոններից, որոնք լցված են եղել բենզինով եւ պետք է պայթեին բջջային հեռախոսի զանգից հետո:
Դեպքի առթիվ ձերբակալվել են 5 կասկածյալներ, որոնցից մեկը հսկողության տակ գտնվող իսլամական ծայրահեղական է: Հնարավոր է, որ նա օգտագոծել է իր նմանակին, որպեսզի խուսափի ոստիկանությունից:
ՊՍԺ - «Բորդո» խաղին ներկա է եղել 47 հազար երկրպագու:
Հիշեցնենք, որ 2015 թվականի նոյեմբերի 13-ին Ֆրանսիայի մայրաքաղաքում միաժամանակ կատարվել էր ահաբեկչական վեց գործողություն, որոնից մեկը՝ «Ստադ դը Ֆրանս» ստադիոնում անցկացված Ֆրանսիա - Գերմանիա խաղի ժամանակ: Ստադիոնի մոտ տեղի էր ունեցել երեք պայթյուն, որոնցից երկուսը կատարել էին մահապարտ-ահաբեկիչները՝ սպանելով 3 երկրպագուների: Պաշտոնական տվյալներով, այդ ահաբեկչության հետեւանքով Փարիզում մահացել էր առնվազն 130 մարդ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.