Լոնդոն-2012. Հայ օլիմպիականները. Հաջիմուրադ Նուրմագոմեդով
19:30 26 հուլիսի, 2012NEWS.am Sport-ը ներկայացնում է 30-րդ Օլիմպիական խաղերում Հայաստանի մարզիկներին։
Հաջիմուրադ Նուրմագոմեդով. ազատ ոճի ըմբշամարտ, 84 կգ քաշային կարգ
Ծնվել է 1987թ. մայիսի 1-ին։
Հաջիմուրադ Նուրմագոմեդովը մի շարք միջազգային մրցաշարերի հաղթող եւ մրցանակակիր է: Փորձառու ըմբիշին հաճախ ընդամենը մեկ քայլ չի բավականացրել պատվո հարթակ բարձրանալու համար: Հայաստանի հավաքականի կազմում անցնելով ուսումնամարզական բոլոր հավաքները՝ Հաջիմուրադը կարողացավ վարկանիշային առաջին իսկ մրցաշարում՝ Սոֆիայում դուրս գալ եզրափակիչ եւ նվաճել Օլիմպիական խաղերի ուղեգիրը:
Անհատական մարզիչն է հավաքականի գլխավոր մարզիչ Արայիկ Բաղդադյանը։
Հաջիմուրադ Նուրմագոմեդով
«Ոչ ոք չի կարող ասել, թե ինչ արդյունքի կհասնի օլիմպիական մրցաշարում: Բոլոր մարզիկներն էլ հասկանում են, որ դժվար մրցաշար է լինելու եւ բոլորն էլ ցանկանում են, ինչքան հնարավոր է լավ ելույթ ունենալ: Ես բացառություն չեմ, կաշխատեմ իմ հնարավորությունների գերլարումով հանդես գալ եւ հասնել հաջողության: Թե ինչպես կստացվի՝ ցույց կտա ժամանակը:
Արայիկ Բաղդադյան
«Հաջիմուրադ Նուրմագոմեդովը իրոք բոլոր հնարավորություններն ունի Օլիմպիական խաղերում հաջողության հասնելու համար: Հայաստանի հավաքականի կազմում նա մասնակցել է բոլոր հավաքներին, իսկ մինչեւ Լոնդոն մեկնելն այժմ մարզվում է Ռուսաստանի հավաքականի հետ։
Ցավոք, ըմբիշը վնասվածք ուներ եւ վերջին հավաքի ժամանակ՝ Վլադիկավկազում մեր հիմնական նպատակն այդ վնասվածքը հաղթահարելն էր: Հիմա արդեն կարծես թե ամեն ինչ նորմալ է: Բանն այն է, որ 84 կգ քաշային կարգում մենք նրան փոխարինող չունենք, եւ շատ լավ է, որ վնասվածքը կարծես թե արդեն չի անհանգստացնում ըմբիշին»:
Հաջիմուրադ Նուրմագոմեդովն օլիմպիական մրցագորգ դուրս կգա օգոստոսի 11-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.