Հայ ձյուդոիստները մեդալներ են նվաճել Գրոզնիում
22:20 1 հոկտեմբերի, 2017Հայաստանի ներկայացուցիչներ Ֆերդինանդ Կարապետյանը եւ Արսեն Խանջյանը բրոնզե մեդալակիր են դարձել Գրոզնիում անցկացված ձյուդոյի Համառուսաստանյան 7-րդ բաց մրցաշարում, որը նվիրված էր Չեչնիայի Պետական խորհրդի առաջին նախագահ Հուսեին Իսաեւի հիշատակին:
Մրցաշարին մասնակցում էին 203 մարզիկներ 8 երկրներից: Նրանց թվում էին Օլիմպիական խաղերի մասնակիցներ, մայրցամաքային եւ աշխարհի առաջնությունների հաղթողներ:
Ֆերդինանդ Կարապետյանը երրորդ տեղն է գրավել 73 կգ քաշային կարգում, իսկ Արսեն Խանջյանը՝ 100 կգ քաշային կարգում: Հայաստանի հավաքականը մրցաշարին մասնակցել է թիմի գլխավոր մարզիչ Արմեն Նազարյանի ղեկավարությամբ, հայտնում են Հայաստանի ձյուդոյի ֆեդերացիայից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։