Հայ բադմինտոնիստները՝ Ինդոնեզիայում
13:11 28 սեպտեմբերի, 2017Բադմինտոնի Հայաստանի պատանեկան հավաքականը պատրաստվում է աշխարհի թիմային եւ անհատական առաջնությանը՝ 14-օրյա հավաք անցկացնելով մրցավայր Ինդոնեզիայում: Հայաստանի բադմինթոնի ֆեդերացիայի գործադիր տնօրեն, մարզիչ Հրաչյա Պողոսյանը թիմում ընդգրկել է Արման Վարդանյանին, Գոռ Գրիգորյանին, Մանե Ստեփանյանին եւ Գայանե Մամաջանյանին, հաղորդում է ՀԱՕԿ լրատվականը:
Հայ բադմինտոնիստներն օրական երկու մարզում են անցկացնում ինդոնեզական «Ջարում» ակումբի մարզիչների գլխավորությամբ.
«Այս ուսումնամարզական հավաքը կայանում է մեր հայրենակից, Հայաստանի բադմինտոնի ֆեդերացիայի պատվավոր նախագահ, Բուլղարիայի բադմինտոնի ֆեդերացիայի եւ Բալկանյան երկրների բադմինտոնի ասոցիացիայի նախագահ Բյուզանդ Կասաբյանի նախաձեռնությամբ: Մասնակցում են Ինդոնեզիայի, Հայաստանի, Բուլղարիայի, Վրաստանի, Բրազիլիայի եւ Նոր Զելանդիայի մարզիկները»,- պատմել է Հրաչյա Պողոսյանը:
Աշխարհի պատանեկան առաջնությունը կմեկնարկի հոկտեմբերի 9-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։