Հենրիխ Մխիթարյան. Չէինք սպասում այսքան հեշտ հաղթանակ
02:14 28 սեպտեմբերի, 2017«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը մեկնաբանել է հաղթանակը Մոսկվայի ԲԿՄԱ-ի նկատմամբ Չեմպիոնների լիգայի երկրորդ տուրում՝ 4:1: Մխիթարյանը դարձել էր գոլի հեղինակ՝ հաշիվը դարձնելով 4:0:
«Մենք չէինք սպասում այսպիսի հաշիվ եւ չէինք ակնկալում, որ երեք գոլ կխփենք առաջին խաղակեսում, մեկ գոլ էլ՝ ընդմիջումից հետո: Չգիտեմ, թե ինչ կատարվեց ԲԿՄԱ-ի հետ, բայց մենք չէինք սպասում այսքան հեշտ հաղթանակ: Իհարկե, մենք մեր խաղով արժանի էինք այսօր հաղթանակի:
ԲԿՄԱ-ն հաջորդ փուլ դուրս գալու շանս դեռ ունի: «Բազելի» հետ երկու հանդիպումներում 6 միավոր վերցնելու դեպքում, ամեն ինչ կարող է ստացվել: Բանակայիններին միայն հաջողություն եմ մաղթում:
Տեսա շատ հայկական դրոշներ: Շնորհակալություն բոլոր հայերին, որոնք եկել էին խաղին եւ աջակցում էին ինձ: Հույս ունեմ, որ իմ գոլը նրանց ուրախացրել է: Կձգտեմ շարունակել նույն ոգով:
Շատ ուրախ եմ, որ այսօր 50-րդ հանդիպումս անցկացրի «Մանչեսթեր Յունայթեդում»: Ուրախ եմ, որ դարձա գոլի հեղինակ, բայց ամենագլխավորն են թիմային հաղթանակն ու 3 միավորը»,- Մխիթարյանի խոսքը մեջբերում է championat.com-ը:
«Մանչեսթեր Յունայթեդը» 6 միավորով խմբի առաջատարն է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.