Աշխարհի արդեն նախկին գավաթակիր, աշխարհի չեմպիոնի նախկին հավակնորդ, ռուսաստանցի Սերգեյ Կարյակինը մեկնաբանել է Հայաստանաի հավաքականի առաջատար Լեւոն Արոնյանը աշխարհի գավաթի խաղարկությունում:
«Իհարկե, Թբիլիսի էի մեկնել տիտղոսս պաշտպանելու վճռականությամբ, բայց չստացվեք: Շատ բարդ մրցաշար է, եւ պայքարից դուրս մնացին շատ աստղային մասնակիցներ, այդ թվում եւ ես ու աշխարհի չեմպիոն Մագնուս Կարլսենը:
Լեւոնը հրաշալի է անցկացնում այս տարին՝ տանելով մի շարք վառ հաղթանակներ: Եվ հաջողությունը աշխարհի գավաթի խաղարկությունում այս տարվա արժանի եզրափակումն է նրա համար:
Լեւոնը բարդ ժամանակահատվածներ է ունեցել կարիերայում, եւ այս հաղթանակը մեկ անգամ եւս ապացուցում է, որ նա սուպերգրոսմայստեր է եւ կարողանում է հաղթահարել կյանքի ամենաբարդ փուլերը»,- Կարյակինի խոսքը մեջբերում է ria-ն:
Հիշեցնենք, որ աշխարհի գավաթի խաղարկությունում Լեւոն Արոնյանը պարտության մատնեց հարավաֆրիկացի Դենիել Քոուդերիին, կանանց աշխարհի քառակի չեմպիոն, չինացի Հոու Յիֆանին, ռուսաստանցիներ Մաքսիմ Մատլակովին եւ Դանիիլ Դուբովին, ուկրաինացի Վասիլի Իվանչուկին եւ ֆրանսիացի Մաքսիմ Վաշյե-Լագրավին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։