Զիդան. Ամեն ինչ իդեալական էր
12:09 27 սեպտեմբերի, 2017Մադրիդի «Ռեալի» ֆրանսիացի գլխավոր մարզիչ Զինեդին Զիդանը Չեմպիոնների լիգայի երկրորդ տուրում Դորտմունդի «Բորուսիային» 3:1 հաշվով հաղթելուց հետո գովել է իր ղեկավարած թիմի ֆուտբոլիստներին:
«Գերազանց հանդիպում էր: «Ռեալը» լավ սկսեց, մատուցեց հրաշալի առաջին խաղակես: Ընդմիջումից հետո եղան դժվարություններ, բայց թիմը դիմադրեց: Ամեն ինչ իդեալական էր: Կարող էինք ավելի շատ գոլեր խփել: Շատ ուրախ եմ Ռոնալդուի եւ Բեյլի համար: Թիմը գերազանց աշխատանք կատարեց: Իսկոն, Մոդրիչը, Կազեմիրոն եւ Կրոսը նույնպես ցուցադրեցին հրաշալի ֆուտբոլ: Բոլորն էլ լավ խաղացին: Բարձրակարգ խաղ էր»,- Զիդանի խոսքը մեջբերում է ՈւԵՖԱ-ի կայքը:
Հիշեցնենք, որ Արքայական թիմի պորտուգալացի հարձակվող Կրիշտիանու Ռոնալդուն դարձել է դուբլի հեղինակ, հյուրերի կազմում աչքի է ընկել նաեւ ուելսցի կիսապաշտպան Գարեթ Բեյլը: «Ռեալն» առաջին անգամ հաղթեց Դորտմունդում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։