Թբիլիսիում ավարտին մոտեցող շախմատի աշխարհի գավաթի խաղարկությունում սեպտեմբերի 27-ին հայտնի կդառնա տիտղոսակիրը:
Հայկական շախմատի առաջատար Լեւոն Արոնյանը (2802) եւ Չինաստանի ուժեղագույն գրոսմյաստեր Դին Լիրենը (2771) աշխարհի գավաթը կվիճարկեն թայ-բրեյքում: Մեկնարկը Երեւանի ժամանակով 15:00-ին է:
Չորս դասական պարտիաներում էլ գրանցվել է ոչ ոքի:
Թայ-բրեյքում կանցկացվի երկու պարտիա 25+10 րոպե ժամանակով, հավասարության դեպքում, կնշանակվի եւս երկու պարտիա 10+10 րոպե ժամանակով, հավասար հաշվի դեպքում, կնշանակվի եւս երկու պարտիա 5+3 րոպե ժամանակով եւ դրանից հետո, եթե դարձյալ հավասարություն գրանցվի կնշանակվի «արմագեդոն» պարտիա 5 - 4 րոպե ժամանակով: Սեւերը ոչ ոքի արդյունքի դեպքում կճանաչվեն հաղթող: «Արմագեդոնում» գույնը կընտրվի վիճակահանությամբ:
Լեւոն Արոնյանն ու Դին Լիրենը եզրափակիչ դուրս գալու շնորհիվ նվաճել են 2018թ. մարտին Բեռլինում կայանալիք աշխարհի չեմպիոնի հավակնորդների մրցաշարի ուղեգրեր:
Լեւոն Արոնյանը 2005թ. աշխարհի գավաթակիրն է:
Ֆոտո՝ fide.com
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։