Սերխիո Ռամոս. «Բարսելոնայի» հետ 7 միավորի տարբերությունը այնքան էլ շատ չէ
12:22 21 սեպտեմբերի, 2017Մադրիդի «Ռեալի» պաշտպան Սերխիո Ռամոսը մեկնաբանել է առաջին պարտությունը Իսպանիայի ընթացիկ առաջնությունում: «Բետիսի» հետ տնային հանդիպման ավելացված չորրորդ րոպեին Ռամոսի դիրքային սխալից հետ հյուրերը գրավեցին «Ռեալի» դարպասը: Մադրիդում անցկացրած երեք հանդիպումներում Արքայական թիմը վաստակել է երկու միավոր, խփել է երեք գոլ:
«Բնականաբար, մեր լավագույն օրերից չէր: Մենք չցուցադրեցինք մեր լավագույն խաղը, թեեւ մեծ ջանքեր գործադրեցինք: Արդյունքը տխրեցրեք, բայց սա դեռ վերջը չէ:
«Բարսելոնայի» հետ 7 միավորի տարբերությունը այնքան էլ շատ չէ: Չգիտեմ, թե ինչու չենք կարողանում գոլ խփել սեփական խաղադաշտում: Մենք ստեղծում էինք պահեր, բայց չէինք կարողանում իրացնել:
Մրցաշրջանի անհաջող մեկնար էր, այսպիսի մրցակիցների հետ մենք սովորաբար այլ արդյունք ենք ունենում տանը: Բայց պետք է շարժվել առաջ եւ մտածել հետագա հանդիպումների մասին: Մեր թիմում նույն ֆուտբոլիստներն են, որոնք տիտղոսներ են նվաճել»,- Սերխիո Ռամոսի խոսքը մեջբերում է AS-ը:
«Ռեալը» հինգ խաղում տարել է երկու հաղթանակ, երկու հանդիպում ավարտել է ոչ ոքի եւ կրել մեկ պարտություն: Առաջատար «Բարսելոնան» հինգ հաղթանակ է տարել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։