Մոսկվայի «Արարատի» կազմում առաջին գոլը խփած 19-ամյա հարձակվող Դավիթ Դավիդյանը պատմել է տպավորությունների մասին:
«Վստահ էի, որ ագրեսիվություն կավելացնեմ հարձակողական գործողություններում: Հասկանում էի, որ ինձ տրամադրած րոպեները որակով անցկացնելու դեպքում, անպայման գոլ կխփեմ:
Նախկինում հանդես էի գալիս հարձակման եզրում եւ սիրում էի այդ դիրքը: Բայց արդեն երկրորդ թիմն է, որ խաղում եմ կենտրոնում եւ վատ չի ստացվում:
Ես պատրաստ եմ լինել կոլեկտիվի հետ մինչեւ վերջ: Շատ եմ հավանում այս նախագծի գաղափարն ու հավակնոտությունը: Հրաշալի կլիներ հասնել մինչեւ Պրեմյեր լիգա: Մեր կոլեկտիվը բազմազգ է եւ չկա բաժանում ըստ ազգության: Մենք մի ընտանիք ենք»,- Դավիդյանի խոսքը մեջբերում է ակումբի մամուլի ծառայությունը:
Ռուսաստանի երկրորդ դիվիզիոնի առաջնության 9-րդ տուրում «Արարատը» 4:0 հաշվով հաղթել է Սարատովի «Սոկոլին», իսկ Դավիդյանը խփել է թիմի չորրորդ գոլը: «Արարատը» «Կենտրոն» գոտու առաջատարն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։