Շատ բարդ խաղ էր, չէինք կարծում, որ կավարտվի 4:0 հաշվով, ասել է «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը՝ մեկնաբանելով հաղթանակը «Էվերտոնի» նկատմամբ Անգլիայի առաջնության 5-րդ տուրում:
«Ցանկանում էինք հաղթել այս խաղում եւ նույնիսկ չէինք մտածում ոչ ոքի արդյունքի մասին: Գիտեինք, որ «Էվերտոնը» պրեսինգի կդիմի, ինչը տարածություն կտա մեզ: Այդ պատճառով էլ սպասում էինք մեր շանսին: Մեր առաջին գոլը հրաշալի էր: Դրա շնորհիվ մենք ավելի շատ վստահություն եւ հանգստություն ստացանք սկզբից: Հաշիվը կարեւոր չէ, կարեւոր է հաղթանակը»,- Մխիթարյանի խոսքը մեջբերում է BBC-ն:
Հիշեցնենք, որ 28-ամյա հայ ֆուտբոլիստը խփել է իր առաջին գոլն Անգլիայի ընթացիկ առաջնությունում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։