«Մանչեսթեր Յունայթեդի» հաղթանակը՝ 4:0, Հենրիխ Մխիթարյանի գոլը

Անգլիայի առաջնության 5-րդ տուրում «Մանչեսթեր Յունայթեդը» «Օլդ Տրաֆորդում» ընդունեց Լիվերպուլի «Էվերտոնին» եւ առավելության հասավ 4:0 հաշվով:

Հաշիվն արդեն չորրորդ րոպեին բացեց էկվադորցի պաշտպան Անտոնիո Վալենսիան, որն օգտվեց սերբ կիսապաշտպան Նեմանյա Մատիչի փոխանցումից:

Պորտուգալացի Ժոզե Մոուրինյոյի գլխավորած թիմի երկրորդ գոլը բելգիացի հարձակվող Ռոմելու Լուկակուի փոխանցումից հետո 84-րդ րոպեին խփեց Հայաստանի հավաքականի կիսապաշտպան Հենրիխ Մխիթարյանը, որին 88-րդ րոպեին փոխարինեց Անտոնի Մարտիալը: Մխիթարյանն ընթացիկ առաջնությունում խփեց իր առաջին գոլը:

Վերջին րոպեին աչքի ընկավ նաեւ Լուկակուն: Իսկ ավելացված երկրորդ րոպեին 11 մետրանոցը դիպուկ իրացրեց Մարտիալը:

«Մանչեսթեր Յունայթեդը» 13 միավորով հավասարվեց «Մանչեսթեր Սիթիին» (16:2), խփած եւ բաց թողած գոլերի տարբերությամբ (16:2) եւս թիմերը հավասար են:

Անգլիայի առաջնություն, 5-րդ տուր

«Մանչեսթեր Յունայթեդ» - «Էվերտոն»՝ 4:0

Անտոնիո Վալենսիա, 4, Հենրիխ Մխիթարյան, 84, Ռոմելու Լուկակու, 90, Անտոնի Մարտիալ, 90+2, 11մ