Զիդան. Այս կազմով մենք կարող ենք ունենալ նոր նվաճումներ
20:56 12 սեպտեմբերի, 2017Չեմպիոնների լիգայի խմբային մրցաշարի մեկնարկից առաջ նախորդ երկու տարիների գավաթակիր Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոսել է Արքայական թիմի հնարավորությունների մասին: Առաջին տուրում իսպանական ակումբը կընդունի Կիպրոսի ԱՊՕԵԼ-ին:
«Այս կազմով մենք կարող ենք նոր նվաճումներ ունենալ: Կցանկանայի պահպանել Մորատային, բայց նա ցանկանում էր ավելի շատ խաղալ: Ստիպված էինք բաց թողնել նրան: Այլ հարձակվողի ձեռք բերել մենք չէինք կարող: Բայց ես հավատում եմ Մայորալի ուժերին, քանի որ նա մեծ ձգտում ունի: Բենզեման ու Բեյլը եւս կարող են մեծ օգուտ տալ: Ինձ հետաքրքրում են միայն իմ խաղացողները: Չենք պատրաստվում ոչինչ փոխել: Կձգտենք ցուցադրել լավ խաղ եւ հաղթել: Մենք գավաթակիրն ենք, բայց ամեն ինչ սկսվում է զրոյից»,- Զիդանի խոսքը մեջբերում է AS-ը:
«Ռեալ» - ԱՊՕԵԼ հանդիպումը տեղի կունենա սեպտեմբերի 13-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։