Տիգրան Բարսեղյան. «Զենիթը» լուրջ մրցակից է, բայց այդպես էր նաեւ «Ֆեներբահչեի» հետ
19:38 12 սեպտեմբերի, 2017Մակեդոնիայի չեմպիոն «Վարդարի» եւ Հայաստանի ազգային հավաքականի կիսապաշտպան Տիգրան Բարսեղյանը հույս ունի, որ Եվրոպայի լիգայի խմբային մրցաշարի առաջին տուրում թիմը կկարողանա երկարաձգել տնային հաղթանակների շարքը:
«Եվրոպայի լիգայի նախորդ հանդիպումներում մենք ցույց տվեցինք, որ «Վարդարը» լավ թիմ է եւ կարող է արժանի դիմադրություն ցույց տալ բարձր կարգի մրցակիցներին: Մենք հաղթել ենք բոլոր տնային հանդիպումներում: Հույս ունեմ, որ այդ շարքը կշարունակվի նաեւ «Զենիթի» դեմ խաղում: Ռուսական թիմը լուրջ մրցակից է, բայց այդպես էր նաեւ «Ֆեներբահչեի» հետ, որին երկու անգամ հաղթեցինք: Երկրպագուների աջակցությամբ կարող են ցույց տալ եւս մեկ արժանի արդյունք»,- Տիգրան Բարսեղյանի խոսքը մեջբերում է «Վարդարի» մամուլի ծառայությունը:
«Վարդար» - «Զենիթ» հանդիպումը տեղի կունենա սեպտեմբերի 14-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։