Եկատերինբուրգի «Ուրալի» գլխավոր մարզիչ Ալեքսանդր Տարխանովը մեկնաբանել է Հայաստանի հավաքականի հարձակվող Էդգար Մանուչարյանի խաղը Ռուսաստանի առաջնության 9-րդ տուրում «ԲՄԱ-Խաբարովսկի» դեմ (1:1):
«Մանուչարյանը վերջնամասում պետք է գրավեր դարպասը: Նա բաց թողեց այդ հնարավորությունը: Ամեն ինչ ճիշտ էր անում, փոխանցումից հետո շեղում էր գնդակի ուղղությունը, բայց շատ ուժեղ ստացվեց»,- Տարխանովի խոսքը մեջբերում է Sport-express-ը:
Հիշեցնենք, որ Մանուչարյանն առաջին անգամ մասնակցեց հանդիպման վնասվածքից հետո: Նա փոխարինման դուրս եկավ 78-րդ րոպեին: «Ուրալի» եւ Հայաստանի հավաքականի պաշտպան Վարազդատ Հարոյանն անցկացրեց ամբողջ հանդիպումը: Նա դեղին քարտ ստացավ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։