Պատմության ամենատիտղոսակիր օլիմպիական, ամերիկացի լողորդ Մայքլ Ֆելփսը դարձյալ անդրադարձել է MMA-ի իռլանդացի մարտիկ Քոնոր ՄաքԳրեգորի հետ հնարավոր մրցալողին:
«Բոլորը շարունակում են տարածել իմ գրառումն ու լուսանկարը ՄաքԳրեգորի հետ հնարավոր մրցալողի մասին: Ես արդեն ասել եմ, որ դա կատակ էր: Բայց եթե ՄաքԳրեգորը ցանկանա, ես դեմ չեմ լինի: Ես կմրցեմ նրա հետ: Կես տարի պատրաստվելուց հետո կկարողանամ 100 մետրն անցնել 48 վայրկյանում: Չեմ կարծում, որ նա մեկ րոպեում տեղավորվի: Կարող եմ Քոնորին 50 մետրի առավելություն տալ մեկնարկում»,- Ֆելփսի խոսքը մեջբերում է ESPN-ը:
Հիշեցնենք, որ Լաս Վեգասում տեղի ունեցած պրոֆեսիոնալ բռնցքամարտի մենամարտում ՄաքԳրեգորը 10-րդ ռաունդում տեխնիկական նոկաուտով պարտվել էր 40-ամյա ամերիկացի Ֆլոյդ Մեյվեզերին:
Մայքլ Ֆելփսը 23-ակի օլիմպիական չեմպիոն է, 26-ակի աշխարհի չեմպիոն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։