ՖԻՖԱ-ն կարող է որակազրկել Բեյլին

ՖԻՖԱ-ն կարող է որակազրկել Լոնդոնի «Տոտենհեմի» խաղացող Գարետ Բեյլին, եթե ակումբը թույլ չտա ֆուտբոլիստին խաղալ Լոնդոնի Օլիմպիական խաղերում, հայտարարել է ՖԻՖԱ-ի նախագահ Յոզեֆ Բլատերը։

«Եթե ֆուտբոլիստին իսկապես թույլ չտան խաղալ Մեծ Բրիտանիայի օլիմպիական հավաքականում, ապա Անգլիայի ֆուտբոլային ասոցիացիան կարող է դիմել մեզ։ Այդ դեպքում մենք կքննարկեն ֆուտբոլիստին ժամանակավորապես որակազրկելու հնարավորությունը։ Մինչեւ այսօր մեզ ոչ ոք չի դիմել»,- ՖԻՖԱ-ի նախագահի խոսքը մեջբերում է Reuters-ը։

Բեյլը հրաժարվել է մասնակցել Լոնդոնի Օլիմպիական խաղերին, պատճառաբանելով վնասվածքը, սակայն հուլիսի 23-ին նա մասնակցել է «Տոտենհեմի» եւ «Լոս Անջելես Գելաքսիի» հանդիպմանը, որն ավարտվեց ոչ ոքի՝ 1։1։