Աշխարհի Գավաթ. Լեւոն Արոնյանը թայ-բրեյքի առաջին 2 պարտիաներում դարձյալ խաղաց ոչ ոքի
17:29 8 սեպտեմբերի, 2017Թբիլիսիում ընթացող շախմատի աշխարհի գավաթի խաղարկության երկրորդ շրջանի թայ-բրեյքում Հայաստանի հավաքականի առաջատար Լեւոն Արոնյանը մրցում է կանանց աշխարհի քառակի չեմպիոն, չինացի Հոու Յիֆանի հետ։ Թայ-բրեյքի առաջին երկու պարտիաներում արագ խաղի կանոններով գրանցվել է ոչ ոքի։ Այժմ գրոսմայստերները կանցկացնեն կայծակնային խաղի երկու պարտիա։
Հավասարության դեպքում կնշանակվի «արմագեդոն» պարտիա, որը ոչ ոքի ավարտվելու դեպքում, հաղթանակը կշնորհվի սեւ ֆիգուրներով հանդես եկած շախմատիստին։
Հիշեցնենք, որ Հայաստանը աշխարհի գավաթի խաղարկությունում ներկայացնում էին նաեւ Հրանտ Մելքումյանն ու Ռոբերտ Հովհաննիսյանը, որոնք չհաղթահարեցին առաջին շրջանի արգելքը։
Աշխարհի գավաթի խաղարկության եզրափակիչի մասնակիցները կստանան աշխարհի չեմպիոնի հավակնորդների մրցաշարին մասնակցելու իրավունք։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։