Յուրի Ջորկաեֆի որդի. Ուրախ եմ, որ մարզվեցի Հայաստանի երիտասարդական հավաքականի հետ

20:10   7 սեպտեմբերի, 2017

Ֆրանսիայի հավաքականի կազմում ֆուտբոլի աշխարհի ու Եվրոպայի չեմպիոն Յուրի Ջորկաեֆի որդի Օհան Ջորկաեֆը մասնակցեց Հայաստանի երիտասարդական հավաքականի այս հավաքին: Թիմի գլխավոր մարզիչ Արթուր Ոսկանյանը հայտնել էր, որ եթե մոտ ապագայում լուծվեն փաստաթղթային խնդիրները, Օհան Ջորկաեֆին կարող ենք տեսնել Հայաստանի երիտասարդական հավաքականում:

Հայաստան այցից հետո 20-ամյա կիսապաշտպանը գրառում է կատարել «Ինստագրամում».

«Ուրախ եմ, որ եղա Հայաստանում եւ մարզվեցի երիտասարդական թիմի հետ»,- գրել է Օհան Ջորկաեֆը:

Հիշեցնենք, որ Օհան Ջորկաեֆը հանդես է գալիս ֆրանսիական «Նանտի» երկրորդ թիմում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։