Միհրան Հարությունյանը սկսում է ММА-ի կարիերա

10:01   6 սեպտեմբերի, 2017

Ռիո-2016-ի օլիմպիական փոխչեմպիոն, հունահռոմեական ըմբշամարտի Հայաստանի հավաքականի առաջատարներից Միհրան Հարությունյանը ուժերը փորձելու է խառը մենամարտերում (ММА): Այդ մասին հայտնել է ԱՄՆ-ում աշխատող ММА-ի հայտնի մենեջեր Ռիզվան Մոգոմեդովը:

«Ընկերներ, շտապում եմ կիվել հետաքրքրիր նորությամբ: Բոլորին հայտնի հունահռոմեական ըմբշամարտի օլիմպիական չեմպիոն Միհրան Հարությունյանը մարզական նոր ուղի է սկսում ММА անունով: Ոչ մի կասկած չունեմ, որ նա մեծ հաջողությունների կհասնի այդ մարզաձեւում: Մենք արդեն համագործակության պայմանավորվածություն ենք ձեռք բերել եւ մեծ ջանքեր կգործադրենք ամենաբարձր նպատակներին հասնելու համար: Սպասեք նորությունների»,- «Ինստագրամում» գրել է Ռիզվան Մոգոմեդովը, որի գրառումը Միհրան Հարությունյանը տարածել է սոցցանցերում: 

Հիշեցնենք, որ  Միհրան Հարությունյանն ըմբշամարտի մրցագորգից բացակայում է Օլիմպիական խաղերից հետո: Ռիո-2016-ում նա հանդես էր եկել ուսի վնասվածքով, իսկ եզրափակիչում խայտառակ կողմնակալ մրցավարության պատճառով պարտվել է սերբ Դավոր Շտեֆանեկին։ Դրանից հետո հայ ըմբիշը 2 վիրահատության է ենթարկվել Գերմանիայում եւ Լեհաստանում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։