Հայաստանի երիտասարդական հավաքականը ոչ ոքի խաղաց Ռուսաստանի հետ

21:54   31 օգոստոսի, 2017

Ֆուտբոլի Եվրոպայի մինչեւ 21 տարեկանների առաջնության ընտրական մրցաշարի երկրորդ տուրում Հայաստանի երիտասարդական հավաքականը հյուրընկալվեց Ռուսաստանի թիմին եւ բավարարվեց մեկ միավորով: Մոսկվայի «Լոկոմոտիվի» տնային ստադիոնում կայացած հանդիպման ավարտվեց 0:0 հաշվով:

Դաշտի տերերն ունեին առավելություն, բայց Հայաստանի թիմը հաջող էր պաշտպանվում եւ հնարավորության դեպքում անցկացնում հակագրոհներ: Հյուրերը մրցակցի դարպասի մոտ ստեղծեցին մի քանի վտանգավոր պահեր, իսկ ռուսների պահերն ավելի շատ էին ու վտանգավոր, սակայն դրանք իրացնել չհաջողվեց: Մի քանի անգամ հյուրերին գոլից փրկեց դարպասաձողը: Հայաստանի հավաքականի խաղացողները ցուցադրեցին մեծ նվիրվածություն եւ արժանիորեն վաստակեցին մեկ միավոր:

Հիշեցնենք, որ Եվրո-2019-ի ընտրական փուլի առաջին տուրում Հայաստանի երիտասարդական հավաքականը 3:0 հաշվով արտագնա հաղթանակ էր տարել Ջիբրալթարի նկատմամբ, իսկ ռուսներն անցկացրին առաջին հանդիպումը: Արթուր Ոսկանյանի գլխավորած թիմը հաջորդ ընտրական խաղը կանցկացնի սեպտեմբերի 5-ին՝ ընդունելով Մակեդոնիայի երիտասարդական հավաքականին:

Եվրո-2019, ընտրական փուլ, երկրորդ տուր

Ռուսաստան – Հայաստան՝ 0:0 

Հայաստան. Հենրի Ավագյան («Բանանց»), Հակոբ Հակոբյան («Բանանց»), Արթուր Քարտաշյան («Փյունիկ»), Հայկ Սարգսյան («Բանանց»), Նարեկ Պետրոսյան («Բանանց»), Հակոբ Հակոբյան («Բանանց», Հովհաննես Հարությունյան, 67), Վահագն Հայրապետյան («Փյունիկ»), Նարեկ Ասլանյան («Փյունիկ», Ռոբերտ Մինասյան, 78), Ալիկ Առաքելյան («Փյունիկ»), Հայկ Գալստյան («Շտուտգարտ», Գերմանիա) , Վահան Բիչախչյան («Ժիլինա», Սլովակիա, Հովհաննես Իլանգյոզյան, 60):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.