US Open. Ռաֆայել Նադալն ու Ռոջեր Ֆեդերերը մեկնարկեցին հաղթանակով
09:01 30 օգոստոսի, 2017Աշխարհի առաջին ռակետ Ռաֆայել Նադալը հաղթանակով է մեկնարկել թենիսի ԱՄՆ-ի բաց առաջնությունում: Առաջին շրջանում իսպանացի մարզիկը մրցել է սերբ Դուշան Լայովիչի հետ եւ առավելության է հասել 7:6 (8:6) 6:2 6:2 հաշվով: Պայքարը տեւել է 2 ժամ 16 րոպե:
Շվեյցարացի Ռոջեր Ֆեդերերն առաջին շրջանում պարտության է մատնել ամերիկացի Ֆրենսիս Տիաֆոյին: 2 ժամ 37 րոպե տեւած մրցախաղում աշխարհի նախկին առաջին ռակետը հաղթել է հինգ սեթում՝ 4:6, 6:2, 6:1, 1:6, 6:4:
US Open-ի կանանց մենախաղի անցած տարվա չեմպիոն Անժելիկա Կերբերն արդեն առաջին շրջանում ավարտել է տիտղոսի պաշտպանությունը: Գերմանացի մարզուհին մեկնարկում պարտվել է ճապոնացի Նաոմի Օսակային, որը 45-րդն է դասակարգման աղյուսակում: Կերբերն այս մրցաշարում ուներ 6-րդ համարը: Նա պարտվել է 1 ժամ 4 րոպեում՝ 3:6, 1:6 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։