Դեւիդ Բեքհեմն ու Մուհամեդ Ալին կմասնակցեն Օլիմպիական խաղերի բացման արարողությանը

Ֆուտբոլի Անգլիայի ազգային հավաքականի նախկին ավագ Դեւիդ Բեքհեմն ու լեգենդար բռնցքամարտիկ Մուհամեդ Ալին կմասնակցեն հուլիսի 27-ին մեկնարկող Լոնդոնի Օլիմպիական խաղերի բացման արարողությանը:

«Ես որոշված դեր պետք է կատարեմ բացման արարողությունում: Ես մեկն եմ այն մարդկանցից, որոնք յոթ տարի առաջ Լոնդոնին պարգեւեցին այս գեղեցիկ սպորտային միջոցառումը: Խաղերի ժամանակ կմեկնեմ եւ կվերադառնամ: Կփորձեմ հետեւել տարբեր մարզաձեւերի մրցումներին»,- Բեքհեմի խոսքը փոխանցում է The Guardian-ը:

Բրիտանական լրատվամիջոցների համաձայն՝ Լոնդոնի Օլիմպիական խաղերի բացման արարողության համար ծախսվել է 27 միլիոն ֆունտ ստերլինգ: