Մեսիի հայրը բանակցել է «Մանչեսթեր Սիթիի» հետ
13:43 24 օգոստոսի, 2017«Բարսելոնայի» հարձակվող Լիոնել Մեսիի հայրը բանակցել է անգլիական «Մանչեսթեր Սիթիի» տեխնիկական տնօրեն Չիկի Բեգիրիսթայնի հետ, հաղորդում է բրիտանական The Sun-ը:
Արգենտինացի հարձակվողի պայմանագիրը «Բարսելոնայի» հետ նախատեսված է մինչեւ 2018թ. հուլիս: Անգլիական ակումբը ցանկանում է գրավիչ առաջարկով Մեսիին համոզել, որ նա չերկարաձգի պայմանագիրը կատալոնական թիմի հետ եւ հաջորդ ամառ ազատ գործակալի կարգավիճակով տեղափոխվի Անգլիա:
Մեսին ու «Բարսելոնայի» նախագահ Խոսեպ Մարիա Բարտոմեուն նոր պայմանագրի վերաբերյալ բանակցելու են օգոստոսի 24-ին Մոնակոյում, որտեղ տեղի կունենա Չեմպիոնների լիգայի վիճակահանությունն ու Եվրոպայի լավագույն ֆուտբոլիստի մրցանակաբաշխությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։