Սարգիս Ադամյան. Մեծ պատիվ է ինձ համար Հայաստանի հավաքականից հրավեր ստանալը
11:08 24 օգոստոսի, 2017Գերմանիայի երկրորդ Բունդեսլիգայի «Յան Ռեգենսբուրգ» թիմում հանդես եկող հարձակվող Սարգիս Ադամյանը մեկնաբանել է տեւական դադարից հետո դարձյալ Հայաստանի ազգային հավաքական հրավիրվելը:
«Մեծ պատիվ է ինձ համար Հայաստանի հավաքականից հրավեր ստանալը: Առանձնահատուկ զգացում ես ունենում հայրենիքդ ներկայացնելիս: Անհամբերությամբ եմ սպասում Ռումինիայի եւ Դանիայի հավաքականների դեմ առաջիկա հանդիպումներին»,- 24-ամյա ֆուտբոլիստի խոսքը մեջբերում է wochenblatt.de-ն:
Հիշեցնենք, որ այս ամռանն է Ադամյանը համալրել «Ռեգենսբուրգը» եւ արդեն երեք հանդիպման է մասնակցել երկրորդ Բունդեսլիգայում:
Հայաստանի հավաքականը Ռումինիայի դեմ կխաղա սեպտեմբերի 1-ին Բուխարեստում, Դանիայի դեմ՝ սեպտեմբերի 4-ին Երեւանում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։