«Չելսին» փոխարինող է փնտրում Անտոնիո Կոնտեին

Լոնդոնի «Չելսիի» ղեկավարությունը սկսել է փնտրել նոր գլխավոր մարզիչի, որը կկարողանար զբաղեցնել իտալացի Անտոնիո Կոնտեի տեղը: «Չելսիում» դժգոհ են մարզիչի եւ հարձակվող Դիեգո Կոստայի լարված հարաբերությունների պատճառով ստեղծված սկանդալային իրավիճակից՝ 42 խաղում 22 գոլ խփած ռմբարկուն դուրս է մնացել կազմից Կոնտեի քմահաճության հետեւանքով:

Առանց ակումբի մնացած մարզիչներից «Չելսիի» մակարդակին կարող են համապատասխանել «Բարսելոնայից» հեռացած Լուիս Էնրիկեն եւ Դորտմունդի «Բորուսիայի» նախկին գլխավոր մարզիչ Թոմաս Տուխելը, հաղորդում է Bild-ը:

Հիշեցնենք, որ Կոնտեն «Չելսիում» առաջին մրցաշրջանն ավարտել է Անգլիայի չեմպիոնի տիտղոսով: