«Բարսելոնայի» նախագահի թեկնածու. Եթե այսպես շարունակվի, Մեսին անվճար բաժին կհասնի այլ ակումբի
20:38 23 օգոստոսի, 2017«Բարսելոնայի» նախագահի նախկին թեկնածու Աուգուստո Բենեդիտոն մտավախություն ունի, որ արգենտինացի հարձակվող Լիոնել Մեսին չի երկարաձգի պայմանագիրը եւ կհեռանա կատալոնական ակումբից հաջորդ տարի:
«Ակումբի ղեկավարությունը թիմի ամենաարժեքավոր խաղացող Մեսիի պայմանագրի հարցը թողել է վերջին րոպեին: Նոր պայմանագիրը դեռ կնքված չէ: Մեսիի հետ պատմությունը կարող է ստվերել այն, ինչ տեղի ունեցավ Նեյմարի դեպքում, քանի որ արդեն հունվարի 1-ին Մեսին կարող է ազատ հեռանալ»,- Բենեդիտոյի խոսքը մեջբերում է mundodeportivo-ն:
Մեսիի պայմանագիրը «Բարսելոնայի» հետ նախատեսված է մինչեւ հաջորդ ամառ: Ֆուտբոլիստին ձեռք բերելու ցանկություն ունի «Բարսելոնայի» նախկին մարզիչ Խոսեպ Գվարդիոլայի գլխավորած «Մանչեսթեր Սիթին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։