Լոնդոն-2012. Հայ օլիմպիականները. Դավիթ Սաֆարյան
22:59 24 հուլիսի, 2012NEWS.am Sport-ը ներկայացնում է 30-րդ Օլիմպիական խաղերում Հայաստանի մարզիկներին։
Դավիթ Սաֆարյան. ազատ ոճի ըմբշամարտ, 66 կգ քաշային կարգ
Ծնվել է 1989 թվականի օգոստոսի 1-ին։
Դավիթ Սաֆարյանը մարզական կարիերան սկսել է Ռուսաստանում։ Բնակվելով Կրասնոդարում՝ Սաֆարյանը մեծ հաջողությունների է հասել պատանեկան եւ երիտասարդական մրցաշարերում: 2011 թվականից նա հանդես է գալիս Հայաստանի հավաքականում:
Եվրոպայի պատանեկան առաջնության հաղթող է (2006, 2007), աշխարհի պատանեկան առաջնության հաղթող (2006), երիտասարդների Եվրոպայի եւ աշխարհի առաջնությունների արծաթե մեդալակիր (2009), Եվրոպայի առաջնության բրոնզե մեդալակիր (2012)։
Անհատական մարզիչն է Աբդուլա Մագոմեդովը։
Հավաքականի մարզիչն է Արայիկ Բաղդադյանը։
Արայիկ Բաղդադյան
«Դավիթ Սաֆարյանը չնայած տարիքին (օգոստոսի 1-ին կլրանա նրա 23 տարին) միջազգային տարբեր կարգի մրցաշարերում մեծ փորձ է կուտակել: Օլիմպիական խաղերի ուղեգիրը նվաճեց Սոֆիայում անցկացված վարկանիշային մրցաշարում եւ ամբողջ ծանրաբեռնվածությամբ անցկացրել է ուսումնամարզական բոլոր հավաքները: Իսկ Լոնդոն մեկնելուց առաջ մեր երեք ըմբիշներն էլ կմարզվեն Վլադիկավկազում: Ես դժվարանում եմ ասել, թե ինչ արդյունքի կհասնի Դավիթը, բայց այն որ նա ունակ է կանգնել պատվո հարթակի, նույնիսկ, ամենաբարձր աստիճանին, դա փաստ է: Ըմբաշամարտում շատ գործոններ կան, որոնք կարող են ազդել յուրաքանչյուր ընբիշի ելույթների վրա: Հույս ունենանք, որ Սաֆարյանին ոչ մի բան չի խանգարի օլիմպիական մեդալ նվաճելու ճանապարհին»:
Դավիթ Սաֆարյանն օլիմպիական մրցագորգ դուրս կգա օգոստոսի 12-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.