Գվարդիոլան չի հերքել Մեսիի համար 300 միլիոն եվրո վճարելու հնարավորությունը
10:10 22 օգոստոսի, 2017Անգլիայի առաջնության երկրորդ տուրի «Մանչեսթեր Սիթի» - «Էվերտոն» (1:1) հանդիպումից հետո մանչեսթերյան թիմի կատալոնացի գլխավոր մարզիչ Խոսեպ Գվարդիոլան, ասուլիսում պատասխանելով լրագրողի հարցին, չի հերքել «Բարսելոնայի» արգենտինացի հարձակվող Լիոնել Մեսիի համար սահմանված 300 միլիոն եվրո տրանսֆերային գինը վճարելու հնարավորությունը:
«Եթե որեւէ ակումբը պատրաստ է վճարել Մեսիի համար 300 միլիոն, նշանակում է՝ այդ ակումբն ունի այդքան գումար»,- Գվարդիոլայի խոսքը մեջբերում է Goal.com-ը:
Անգլիական եւ իսպանական մամուլի տվյալներով «Մանչեսթեր Սիթին» կվճարի այդ գումարը, եթե ստանա ֆուտբոլիստի համաձայնությունը: Մեսին դեռ չի երկարաձգել պայմանագիրը «Բարսելոնայի» հետ: Այն նախատեսված է մինչեւ 2018թ. հուլիս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։