ԱԱ. Արթուր Ալեքսանյանի չեմպիոնական գոտեմարտը՝ ուղիղ հեռարձակմամբ

Փարիզում ընթացող հունահռոմեական ըմբշամարտի աշխարհի առաջնությունում մեկնարկում են առաջին օրվա եզրափակիչները եւ բրոնզե մեդալի համար գոտեմարտերը։ 98 կգ քաշային կարգում ոսկե մեդալը կվիճարկեն Հայաստանի հավաքականի առաջատար, օլիմպիական չեմպիոն, աշխարհի կրկնակի, Եվրոպայի եռակի չեմպիոն Արթուր Ալեքսանյանը եւ աշխարհի գավաթակիր, ռուսաստանցի Մուսա Եվլոեւը։

Հիշեցնենք, որ կիսաեզրափակչում Արթուր Ալեքսանյանը 58 վայրկյանում 8։0 հաշվով տապալեց Ուզբեկստանը ներկայացնող Ռուստամ Ասակալովին։ Քառորդ եզրափակիչում օլիմպիական չեմպիոնը 6։2 հաշվով հաղթել էր վրացի Ռեւազի Նադարեիշվիլիին, 1/8 եզրափակիչում 10։1 հաշվով տպավորիչ հաղթանակ էր տարել ԱՄՆ ներկայացնող Թրեյսի Հենքոկի նկատմամբ, իսկ 1/16 եզրափակիչում 3։1 հաշվով պարտության էր մատնել իրանցի Սալեհիզադեին։