ԱԱ. Արթուր Ալեքսանյանը մեկնարկեց հաղթանակով

14:20   21 օգոստոսի, 2017

Օլիմպիական չեմպիոն Արթուր Ալեքսանյանը հաղթանակով մեկնարկեց Փարիզում ընթացող հունահռոմեական ըմբշամարտի աշխարհի առաջնությունունում՝ 3։1 հաշվով հաղթելով իրանցի Սալեհիզադենին։ Արթուր Ալեքսանյանը պայքարը սկսեց  98 կգ քաշային կարգի 1/16 եզրափակիչում։ Իրանցի ըմբիշը գոտեմարտի հենց մեկնարկում դեմքի վնասվածք ստացավ, ինչը զայրացեց Սալեհիզադենին, որը շարունակեց կոպիտ գոտեմարտ անցկացնել։ Իրանցի ըմբիշի գոտեմարտելու ոճը դուր չեկավ Արթուր Ալեքսանյանին եւ օլիմպիական չեմպիոնը գորգի վրա նկատողություն արեց մրցակցին եւ թույլ չտվեց որեւէ հնարք իրականացնել՝ վստահ հաղթանակ տանելով։

Հիշեցնենք, որ գեղեցիկ հաղթանակով էր մեկնարկել 75 կգ քաշային կարգում Հայաստանի ներկայացուցիչ Կարապետ Չալյանը։ 1/16 եզրափակչում նրա մրցակիցը կուբացի Էրնանդես Ռիոսն էր։ Կարապետ Չալյանը 9։0 հաշվով վստահ հաղթանակ տարավ։

Արթուր Ալեքսանյանի հաջորդ մրցակիցը 1/8 եզրափակիչում ամերիկացի Թրեյսի Հենքոկն է, որը 1/16 եզրափակչում հաղթել է թուրք Ֆատիհ Բասկոյին։

Կարապետ Չալյանի մրցակիցը 1/8 եզրափակիչում կլինի Գերմանիայի ներկայացուցիչ Ֆլորիան Նոյմայերը։

Արթուր Շահինյանը 85 կգ քաշայինների 1/16 եզրափակիչում գոտեմարտեց բուլղարացի Նիկոլայ Բայրյակովի հետ եւ պարտություն կրեց 1։2 հաշվով։ Արթուր Շահինյանը որակավորման փուլում 8։0 հաշվով հաղթել էր հարավկորեացի Յու Պարկին։

1/16 եզրափակիչում պարտություն էր կրել նաեւ 71 կգ քաշային Վարշամ Բորանյանը՝ 2։3 հաշվով Եգիպտոսի ներկայացուցիչ Իբրահիմ Մահմուդ Համեդ Հասան Ղանեմի հետ գոտեմարտում։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.