Պոչետինո. «Տոտենհեմը» չեմպիոնության հավակնորդ է
14:43 20 օգոստոսի, 2017«Տոտենհեմ» - «Չելսի» լոնդոնյան դերբիից առաջ փոխչեմպիոնների գլխավոր մարզիչ Մաուրիսիո Պոչետինոն հայտարարել է, որ այս մրցաշրջանում իր գլխավորած թիմի միակ խնդիրը Անգլիայի չեմպիոնի տիտղոսը նվաճելն է: Նախանցած մրցաշրջանում «Տոտենհեմը» Պրեմյեր լիգայում գրավել է երրորդ, անցած մրցաշրջանում՝ երկրորդ տեղը:
«Ես ցանկանում եմ հաղթել Պրեմյեր լիգայում: Չեմ ասում, որ Անգլիայի գավաթը կամ Անգլիական լիգայի գավաթը կարեւոր չեն, բայց ինձ համար «Տոտենհեմը» Պրեմյեր լիգայի չեմպիոնության հավակնորդ է: Ամեն մրցաշրջանում մենք պետք է պայքարենք չեմպիոնի կոչման եւ Չեմպիոնների լիգայի գավաթի համար: Դրանք են մեր մարտահրավերները: Ես շատ կհիասթափվեմ, եթե մենք դուրս մնանք ֆավորիտների շարքից»,- Պոչետինոյի խոսքը մեջբերում է Պրեմյեր լիգայի մամուլի ծառայությունը:
Անգլիայի առաջնության երկրորդ տուրի «Տոտենհեմ» - «Չելսի» հանդիպումը օգոստոսի 20-ին է եւ կմեկնարկի Երեւանի ժամանակով 19:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։