Le Firgaro. Ֆրանսիայի կառավարությունը շոկի մեջ է Իբրահիմովիչի աշխատավարձից
22:16 24 հուլիսի, 2012Ֆրանսիայի կառավարությունը շոկի մեջ է Իբրահիմովիչի աշխատավարձի չափից, գրում է ֆրանսիական Le Firgaro-ն։
Երկրի քաղաքական դասը լուրջ քննարկումների մեջ է։ Իբրահիմովիչը «մաքուր» ստանալու է 14 միլիոն եվրո տարեկան։ Հաշվի առնելով հարկերը, պետությունը նրա աշխատավարձից կստանա 32-ից 56 միլիոն եվրո։
Հստակ թիվը կախված է նախագահ Ֆրանսուա Օլանդի առաջարկած օրենքի ընդունումից։ Եթե խորհրդարանը հաստատի օրենքը, ապա մեկ միլիոն եվրոյից ավելի եկամուտ ունեցողները ստիպված կլինեն 75 տոկոս հարկ վճարել։
Այսպիսով, ֆրանսիական ֆուտբոլում շրջանառվող գումարներից կարող են հսկայական հարկեր հավաքել։
ՊՍԺ-ի նախագահ Նասեր Ալ Կելաֆին հայտարարել է, որ ակումբը հարգում է ֆրանսիական օրենքները եւ կվճարի բոլոր հարկերը։
Իբրահիմովիչի պայմանգրում հատուկ նշված է, որ անկախ հարկային օրենսդրության փոփոխություններից, ֆուտբոլիստը տարեկան պետք է ստանա 14 միլիոն եվրո աշխատավարձ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.