2019 թ. աշխարհի առաջնության ընտրական մրցաշարի նախնական փուլի վերջին տուրում բասկետբոլի տղամարդկանց Հայաստանի ազգային հավաքականն ընդունել է Բոսնիա-Հերցեգովինայի թիմին: Այս խաղում հաղթանակի դեպքում, Հայաստանի թիմը կարող է ապահովել տեղը ընտրական հաջորդ փուլում: Հանդիպումը կմեկնարկի 20:00-ին:
A խմբի վերջին տուրի մյուս խաղում Շվեդիան ընդունեց Սլովակիային եւ հաղթեց 86:82 հաշվով՝ ապահովելով առնվազն երկրորդ տեղ եւ հաջորդ փուլի ուղեգիր:
Հիշեցնենք, որ ԱԱ-2019-ի նախորդ հինգ տուրերում Հայաստանի հավաքականը տնային հաղթանակներ է տարել Սլովակիայի (75:61) եւ Շվեդիայի (82:69) նկատմամբ, Սարաեւոյում պարտվել է Բոսնիա-Հերցեգովինային (85:98), Բրատիսլավայում հաղթել է Սլովակիային (92:78), Ուպսալայում 70:93 հաշվով պարտվել է շվեդներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։