Մոուրինյո. Գոհ եմ թիմից, նոր խաղացողներ չենք ունենա մինչեւ հունվար
22:51 18 օգոստոսի, 2017«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն գոհ է կազմից եւ անգլիական ակումբի ղեկավարության վրա ճնշում չի գործադրի նոր խաղացողների հարցով:
«Չեմ կարծում, որ այս ամիս մենք կվերադառնանք շուկա, եթե որեւէ բան տեղի չունենա: Ես ասել էի պարոն Վուդվորդին, որ չորս խաղացողի կարիք ունեմ, բայց ճնշում չեմ գործադրի ղեկավարության վրա: Առջեւում դեռ հունվարի տրանսֆերային պատուհանն է: Ես գոհ եմ կազմից: Մենք պատրաստ ենք հանգիստ շարժվել առաջ»,- Մոուրինյոյի խոսքը մեջբերում է ESPN-ը:
Հիշեցնենք, որ այս ամռանը «Մանչեսթեր Յունայթեդը» ընդհանուր 165 միլիոն եվրոյով ձեռք է բերել շվեդ պաշտպան Վիկտոր Լինդելյոֆին, բելգիացի հարձակվող Ռոմելու Լուկակուին եւ սերբ կիսապաշտպան Նեմանյա Մատիչին:
Անգլիայի առաջնության առաջին տուրում «Մանչեսթեր Յունայթեդը» 4:0 հաշվով պարտության է մատնել «Վեստ Հեմին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։