Նեմանյա Մատիչ. «Մանչեսթեր Յունայթեդում» անմիջապես զգացի մարդկանց աջակցությունը
20:52 18 օգոստոսի, 2017«Մանչեսթեր Յունայթեդի» նորեկ, սերբ կիսապաշտպան Նեմանյա Մատիչը հիացած է իր նոր ակումբով:
«Բոլորը գիտեն, թե ինչ է «Մանչեսթեր Յունայթեդը»: «Չելսին» եւս մեծ ակումբ է, բայց «Մանչեսթեր Յունայթեդը» մնում է «Մանչեսթեր Յունայթեդ»: Այստեղ տեղափոխվելուց անմիջապես հետո զգացի մարդկանց աջակցությունը: Ամեն մարզումից հետո երկրպագուները սպասում են, լուսանկարվում են, ինքնագրեր են խնդրում: Սա աշխարհի մեծագույն ակումբներից մեկն է: Հնարավոր է՝ կան «Մանչեսթեր Յունայթեդի» նման մի քանի ակումբներ, բայց այստեղ ամեն ինչ աննման է»,- Մատիչի խոսքը մեջբերում է Goal.com-ը:
Հիշեցնենք, որ պորտուգալացի Ժոզե Մոուրինյոյի գլխավորած թիմը «Չելսիին» Մատիչի համար վճարել է 40 միլիոն ֆունտ ստերլինգ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։